Taboleiro de anuncios

PUNTUACIÓN FINAL DO PROCESO DE SELECCIÓN DUN AXENTE DE IGUALDADE

Mediante a presente, procédese á publicación do Acordo do Tribunal de Selección de data 15 de xullo do 2025 relativo ao proceso selectivo para a cobertura dunha praza de Axente de Igualdade do Concello de Outes.

A aspirante que obtivo a mellor puntuación, Dª XIOMARA LAZO FUENTES é proposta para a contratación polo que deberá presentar, no prazo improrrogable de tres días hábiles, a seguinte documentación:

• Certificado médico ou informe de saúde que acredite non padecer enfermidade ou limitación física ou psíquica que impida o normal desenvolvemento das tarefas correspondentes ao posto ofertado.
• Declaración xurada de non ter sido separada mediante expediente disciplinario do servizo do Estado, Comunidades Autónomas ou Entidades Locais, nin atoparse inhabilitada para o exercicio de funcións públicas.

De non presentar a documentación requirida no prazo indicado, entenderase que renuncia ao posto, procedéndose conforme ás bases do proceso selectivo.

 Ver anuncio

SELECCIÓN DE AXENTE DE IGUALDADE - ANUNCIO PUNTUACIÓNS DA PROBA ESCRITA

Por medio da presente procédese á publicación do Acordo do Tribunal de selección polo que se aproba a puntuación do primeiro exercicio da fase de oposición do proceso de selección dunha Axente de Igualdade, consistente na resolución dun suposto teórico-práctico.

Para garantir a transparencia do proceso selectivo, faise pública a relación de respostas correctas correspondentes á primeira parte (exame tipo test) e os criterios de corrección da segunda parte (suposto práctico), como Anexo ao presente Anuncio.

 Ver anuncio

RELACIÓN DEFINITIVA DE PERSOAS ADMITIDAS Ó PROCESO DE SELECCIÓN DE AXENTE DE IGUALDADE

Logo de aprobarse por Resolución de Alcaldía de data 23 de xuño do 2025 a relación definitiva de persoas aspirantes admitidas e excluídas no proceso de selección dun Axente de Igualdade do Concello de Outes, procédese a súa publicación a efectos do seu xeral coñecemento polas persoas interesadas.

Convócase ás aspirantes o vindeiro mércores, 9 de xullo do 2025 ás 10:00 horas, na planta baixa da Casa da Cultura de Outes (Avda. San Campio, 1, da Serra de Outes) para a realización da proba escrita. Dita proba desenvolverase segundo se detalla na base sétima da convocatoria.

 Ver anuncio no BOP da Coruña

SELECCIÓN DE AXENTE DE IGUALDADE - RELACIÓN PROVISIONAL DE ASPIRANTES ADMITIDAS E EXCLUÍDAS

Logo de aprobarse por Resolución da Alcaldía de data 3 de xuño do 2025 a relación provisional de persoas aspirantes admitidas e excluídas no proceso de selección dun Axente de Igualdade do Concello de Outes, procédese a súa publicación a efectos do seu xeral coñecemento polas persoas interesadas.

De acordo co establecido na cláusula quinta das Bases reguladoras, concédese un prazo de cinco (5) días hábiles a partir do seguinte á publicación desta resolución no Boletín Oficial da Provincia para que as aspirantes excluídas poidan emendar os defectos que motivaron a súa exclusión ou formular reclamacións. De non atender o requirimento de subsanación dentro do prazo sinalado, serán excluídas definitivamente do proceso selectivo.

 Ver resolución no BOP

BASES E CONVOCATORIA PARA A SELECCIÓN EN RÉXIME DE INTERINIDADE DE UN POSTO DE AXENTE DE IGUALDADE

Por Resolución de Alcaldía núm. 2025-0289 de data 13/05/2025,  aprobáronse as bases e a convocatoria para a selección en réxime de interinidade dun posto de Axente de Igualdade.

Ábrese o prazo de presentación de solicitudes, que será de 10 días hábiles a contar desde o día seguinte á publicación deste anuncio no Boletín Oficial da Provincia.

Os sucesivos anuncios desta convocatoria, cando procedan de conformidade coas bases, publicaranse na sede electrónica do Concello (http://outes.sedelectronica.gal) e páxina web municipal (www.outes.gal).

Ver bases no BOP da Coruña

 Anexo I: Modelo de solicitude (pdf)

 Anexo I: Modelo de solicitude (LibreOffice)