Axenda local

O Concello de Outes, a través do Centro de Información ás Mulleres, organiza dúas charlas dentro do programa MULLER E SAÚDE.

As charlas, impartidas por Jessica Maneiro, matrona da Asociación Galega de Matronas (AGAM),  son as seguintes:

SOLO PELVIANO E AUTOCOIDADO
- Venres 14 de abril, de 16:30 a 18:30 horas
- Casa da Cultura de Outes
- Máximo 15 mulleres

AUTOCOÑECEMENTO E SEXUALIDADE
- Sábado 15 de abril, de 11:00 a 13:00 horas
- Casa de Cultura de Outes

Todas aquelas mulleres interesadas en participar, deben inscribirse no Centro de Información ás Mulleres (CIM). Teléfono 981 850 949 (Horario de 9:00 a 14:00 horas)

O Concello de Outes, a través do Centro de Información ás Mulleres, quere convidar a tódolos nenos e nenas, de idades comprendidas entre os 3 (escolarizados) e os 12 anos a participar no Campamento “TEMPO DE PASCUA”.

Este campamento, enmarcado no programa Outes Concilia, levarase a cabo os días 3, 4, 5 e 10 de abril, en horario de 8:00 a 16:00 h, no edificio autónomo do CEIP Plurilingüe de Outes.

 Máis información

 Folla de inscrición

O  Concello de Outes publica algunhas das actividades sobre igualdade que se levarán a cabo nas vindeiras semanas para conmemorar o 8M, Día Internacional da Muller.

NOTA: A ANDAINA POLA IGUALDADE e a exhibición de papaventos, aprazadas polo mal tempo, realizaranse este domingo 19 de marzo.

 Ver actividades

O Concello de Outes, comprometido e interesado en promover os valores creativo-literarios da nosa lingua, organiza o XXVII CERTAME DE POESÍA FRANCISCO AÑÓN, certame que leva o nome do máis ilustre literato do noso concello, Francisco Añón, autor do "Rexurdimento" e un dos precursores da lingua galega.

Poderán participar nel todas as persoas que o desexen e que presenten os seus traballos en lingua galega. O prazo de presentación remata o 3 de abril.

 Ver bases

 Ver bases no Boletín Oficial da Provincia da Coruña

O Concello de Outes organiza un obradoiro de elaboración de papaventos baixo o lema "Voando pola Igualdade".

Este obradoiro vai dirixido a menores de idades comprendidas entre os 3 anos (escolarizados) e os 14 anos no que poderán participar acompañados das súas familias.

• Data: luns 20 de febreiro
• Horario: 10:30 a 12:30 horas
• Localización: Baixo do Centro Social de Outes
• Obradoiro gratuíto
• Prazas limitadas
• Inscricións: antes das 12:00 horas da mañá do venres 17 de febreiro, no número de teléfono do CIM: 981 850949 (Horario: de luns a venres, de 9:00 a 14:00 horas)

A exhibición dos papaventos terá lugar no mes de marzo, con motivo do Día Internacional da Muller.

O Espazo Museístico da Carpintaría de Ribeira “Estaleiro do Ciprián” é un proxecto de rehabilitación integral dun estaleiro para reconvertelo en museo sen perder a esencia industrial da súa actividade económica principal: a construción de barcos.

O proxecto consta de varias fases na que ademais da rehabilitación (incluíndo as ramplas e urbanización da contorna) e musealización do estaleiro, fixéronse novos espazos de traballo e promoción turística: caseta de información turística, baños e almacén.

Este proxecto mellorou a contorna litoral e paisaxística no seu conxunto e dotou ao concello de Outes dun novo espazo cultural, patrimonial e industrial de primeira orde que non existe en ningún outro punto da xeografía galega.

O proxecto foi realizado grazas a unha subvención do GALP Costa Sostible xunto con fondos propios do Concello de Outes.

A actividade desenvolveuse dende o día 19 ao día 22 de setembro de 2022 e foi impartida por Marcos Gallego e Domingo D. Docampo coa colaboración da dirección e do alumnado do IES Poeta Añon, da Asociación Cultural Terra de Outes, dos profesionais independentes Vanessa Martínez e Antonio Rodriguez asi como do persoal técnico do Concello de Outes, Carlos Rodriguez na ADL, Luis Pérez no SNL, Santiago Nieto en Cultura e Ignacio Fernández en Turismo

Alumnado: 16 participantes

Duración do proxecto: 16 horas.

Espazos: Casa da Cultura de Outes e Centro Náutico do Freixo

Esta actuación conta cun presuposto total de 9.900,22 €, e obtivo, a través do GALP Costa Sostible, unha axuda de 4.950,11 € achegados polo FEMP-Fondo Europeo Marítimo e de Pesca (85%) e a Consellería do Mar (15%). Trátase das axudas ao abeiro das Estratexias Locais de Desenvolvemento Local Participativo que financian proxectos produtivos e non produtivos para o desenvolvemento e a diversificación económica das zonas pesqueiras.

 Ver cartel

A Feira Náutica do Freixo 2022 celebrouse durante os días 1, 2, 3 de xullo de 2022 no Porto do Freixo do Concello de Outes.

Este evento pretende conquerir a visibilización, posta en valor, promoción e enriquecemento dos sectores do municipio vencellados ao mar: sector náutico, da pesca, do turismo e da acuicultura principalmente. Así como na identificación da esencia marítima como intrínseca ao territorio.

Esta actuación conta cun presuposto total de 44.000 €, e obtivo, a través do GALP Costa Sostible, unha axuda de 38.720,00 € achegados polo FEMP-Fondo Europeo Marítimo e de Pesca (85%) e a Consellería do Mar (15%). Trátase das axudas ao abeiro das Estratexias Locais de Desenvolvemento Local Participativo que financian proxectos produtivos e non produtivos para o desenvolvemento e a diversificación económica das zonas pesqueiras.

 Ver cartel

 Ver vídeo resumo

O Concello de Outes publica a oferta de actividades de cultura, deportes e do centro social para o outono e inverno 2022/2023.

 Ver folleto de actividades

As inscricións nas actividades debe facerse cubrindo a folla de inscrición e entregándoa no rexistro do Concello, ben de forma presencial ou a través da nosa sede electrónica.

 Folla de inscrición nas actividades de outono e inverno

O Concello de Outes pon a disposición das familias outenses os servizos de conciliación “Madrugadores” e “Tardes Divertidas” para o curso 2022-2023, que forman parte do programa “Outes Concilia”.

Ámbolos dous servizos están destinados a nenas e nenos menores escolarizados no CEIP de Outes, de idades comprendidas entre os 3 e os 12 anos.

 Máis información

 Folla de inscrición

 Folla de consentimento para o tratamento de datos personais