Axenda local

O Concello de Outes, a través do CIM (Centro de Información ás Mulleres), ofrécelles ás familias con menores de idades comprendidas entre os 3 anos (escolarizados) e os 12 anos, o servizo de conciliación “Tempo de Nadal” 2025-2026, que forma parte do programa “Outes Concilia”.

Este servizo terá lugar os días 22, 23, 24, 26, 29, 30 e 31 de decembro e 2, 5 e 7 de xaneiro, en horario de 8:00 a 16:00 horas, no edificio autónomo do CEIP Plurilingüe de Outes.

O prazo de inscrición é dende o 26 de novembro ata o 10 de decembro. As prazas son limitadas.

 Máis información e condicións do servizo

 Folla de inscrición

 Consentimento para o tratamento de datos persoais

Con motivo da conmemoración do 25N, Día Internacional para a Eliminación da Violencia contra as Mulleres, o Concello de Outes dá a coñecer a súa programación.

 Ver cartel

 Ver programación

O Concello de Outes, en colaboración coas diferentes entidades deportivas municipais,  oferta unha serie de actividades deportivas que se levarán a cabo durante os meses de outono e inverno.

 Ver cartel

O Concello de Outes oferta unha serie de actividades cuadrimestrais que se realizarán nos distintos centros sociais do Concello. 

Anotarse no Centro Social a partir do 22 de setembro.

 Ver cartel

O Concello de Outes, a través do Servizo de Normalización Lingüística, achégalle ao alumnado do IES Poeta Añón, o próximo 23 de setembro, un espectáculo do actor e contador Avelino González.

O monólogo é un convite ao optimismo lingüístico, que presenta a lingua galega como o que é: unha lingua que expresa ideas, emocións e sensacións ao seu xeito.

Outes a Escena é a programación de espectáculos de artes escénicas que, durante as fins de semana dos meses de setembro do 2025 ata febreiro do 2026, se representarán no auditorio da Casa da Cultura de Outes. Teremos un total de 17 representacións para tódolos públicos.

As entradas saíran á venda na plataforma habilitada 15 días antes da representación e o luns previo tamén estarán dispoñibles as reservadas para a venda presencial na Casa da Cultura.

Establecemos tamén dous bonos:

• Bono Xeral: dará acceso a todas as obras para adultos e ten un prezo de 30,80 €.
• Bono Miúdo: para as obras para o público infantil e familiar. O prezo é de 14,70 €.

Ámbolos dous poderán solicitarse a partir do luns 8 de setembro na Casa da Cultura.

 Ver cartel

 Acordo de prezos públicos

 Condicións de adquisición de entradas e bonos

 Ver obras incluídas no Bono Xeral

 Ver obras incluídas no Bono Miúdo

Preme aquí para acceder á plataforma de venda de entradas 

O Concello de Outes oferta unha serie de actividades deportivas que se levarán a cabo na piscina municipal durante este outono e inverno.

A partir do luns 8 de setembro abrirá o prazo de inscrición das distintas actividades para as persoas aboadas. As persoas non aboadas poderán inscribirse a partir do día 22 de setembro, sempre e cando queden prazas libres.

 Ver cartel

O Concello de Outes publica un novo ciclo de roteiros culturais que se desenvolverán este outono para coñecer o noso patrimonio da man dun experto.

A inscrición é obrigatoria e abrirase o luns previo a cada andaina. Pode facerse cubrindo o formulario que encontrarás escaneando o código QR do cartel ou  premendo aquí.

 Ver cartel

O Concello de Outes oferta un curso de galego dirixido a persoas de fóra de Galicia maiores de 16 anos.

O curso realizarase a partir de outubro e o prazo de inscrición é do 1 ao 15 de setembro de 2025 no Servizo de Normalización Lingüística do Concello de Outes ou a través do correo: barbara.carballo@outes.gal.

 Ver cartel

O Concello de Outes informa que o vindeiro 11 de agosto abre o prazo de inscrición para o servizo de “Madrugadores”, curso 2025-2026, que forma parte do programa “Outes Concilia”.

Este servizo, destinado a nenas e nenos escolarizados no CEIP de Outes, dará comezo o 8 de setembro, primeiro día do curso escolar, en horario de 7:50 horas ata o inicio das clases.  

As solicitudes poden presentarse de xeito telemático, a través da sede electrónica do Concello de Outes, ou de xeito presencial no Rexistro do Concello en horario de 9:00 a 14:00 horas de luns a venres. O prazo de inscrición é do 11 ao 22 de agosto.

 Ver cartel

 Máis información

 Folla de inscrición

 Formulario de consentimento para o tratamento de datos persoais