Servizos da casa do concello

Na Casa do Concello teñen a súa sede unha grande parte dos departamentos que traballan para o servizo e benestar dos cidadáns de Outes.

O edificio do concello, recentemente restaurado, está situado na Rúa da Vila, na Serra de Outes. Os teléfonos do Concello son o 981850003 e 981842400.

 

Área Administrativa

O persoal administrativo do Concello está á súa disposición para levar a cabo todo tipo de trámites de solicitudes, licencias, etc.

 

Arquitecto Técnico Municipal

O arquitecto técnico poderá resolver as súas dúbidas no relativo ao catastro e a licenzas de obras.

 

Punto de información catastral

Horario: de luns a venres, de 08:30 a 14:30 h.

Servizos dispoñibles:

  • Consulta de datos catastrais non protexidos, certificación do valor de referencia e certificación da referencia catastral
  • Consulta e certificación de datos catastrais protexidos, polo titular catastral, representante ou autorizado
  • Certificación negativa
  • Consulta polo titular catastral sobre información de solicitudes de axuda da PAC.

Taxa a aboar polo servizo:

  • Certificado literal: 2,00 €
  • Certificado descritivo e gráfico: 10,00 €

 

Policía Local

Horario de oficina: 9:00 - 21:00
Tlf: 649 42 90 68 - 981 850 350

 

Servizos Sociais

Os servizos sociais de atención primaria traballan para atender as necesidades de cada cidadán.

Servizo cofinanciado pola Xunta de Galicia

 

Educadora Familiar

A Educadora familiar ten, entre outras, a responsabilidade de deseñar, planificacar, seguir e avaliar proxectos de intervención socioeducativa.

 

Servizo de Técnica de Igualdade de Xénero

Programa de subvencións a concellos e outras entidades locais para o financiamento de técnicas/os de igualdade de xénero e axentes de igualdade de xénero no ano 2026 (FOAI/2026)

O programa FOAI/2026 é a asistencia económica ás entidades locais de menos de 20.000 habitantes, contribuíndo ao financiamento de técnicas/os de igualdade de xénero e axentes de igualdade de xénero para a dinamización e o desenvolvemento de políticas de igualdade, e coordinación coa Deputación da Coruña no marco do I Plan de acción das políticas de Igualdade de xénero na provincia de A Coruña 2019-2026.

O persoal técnico especializado encárgase de dinamizar no territorio as políticas públicas de igualdade de oportunidades entre mulleres e homes e traballa a prol da erradicación da violencia de xénero.

 

Programa de axuda no fogar

Tres auxiliares de fogar municipais traballan neste programa.

 

Xulgado de Paz

O Xulgado de Paz, situado no baixo da Casa do Concello, ten as seguintes competencias:

  • Na Orde Penal, tramitar, celebrar e dictar sentencia en xuizos de faltas por feitos de pouca gravidade que ocorreran no Concello.
  • Na Orde Civil, tramitar, celebrar e dictar sentencia en asunto de cuantía inferior a 90 €.
  • Xestionar o Rexistro Civil, é dicir, celebrar bodas, inscribir nacementos, etc.

Teléfono: 981842470