Taboleiro de anuncios

OFERTA DE EMPREGO: OPERARIOS PARA UNHA EMPRESA DO SECTOR DA ALIMENTACIÓN

O Servizo de Orientación Laboral informa que a empresa de traballo temporal Randstad precisa operarios/as de produción para unha empresa do sector da alimentación en Carnota.

Funcións: Almacenamento de mercancía, limpeza de pescado, envasado, empaquetado.

Condicións do posto: Salario segundo convenio, horario partido de 9:00 a 13:00 e de 15:00 a 18:35 horas.

Requisitos:

• Dispoñibilidade inmediata para o posto e carné de Manipulador de Alimentos.
• Experiencia como operario/a de produción (1 ano).
• Valorarase experiencia en limpeza e empaque de pescado.
• Formación: Educación Secundaria Obrigatoria

As persoas interesadas poden inscribirse na  páxina web de Randstad

Ou ben contactar nos teléfonos: 981 568 360 / 672 684 692

OFERTA DE EMPREGO: PERSOAL ASISTANCIAL

O Servizo de Orientación Laboral informa que ante a acumulación de tarefas existente no ámbito asistencial, a Consellería de Política Social da Xunta de Galicia estableceu a creación dunha bolsa de emprego para cubrir determinadas categorías de persoal dos seus centros:

• Titulada/o superior médico
• ATS/DUE
• Auxiliar de clínica/Coidador/a

Máis información picando aquí

INFORMACIÓN DA SEGURIDADE SOCIAL

Informamos de dúas novas publicadas pola Seguridade Social:

1.- Ante o peche da atención presencial, se ten algún trámite urxente coa Seguridade Social, ISM ou INSS, habilitouse unha canle para que poida realizalo sen necesidade de ter certificado dixital.

Máis información na páxina da Seguridade Social

2.- A Seguridade Social tamén ten habilitada unha páxina na que se recollen as preguntas frecuentes sobre o cese de actividade das persoas autónomas.

Acceder á páxina

FORMAS DE CONTACTO CO SERVIZO PÚBLICO DE EMPREGO ESTATAL (SEPE)

• Teléfonos de contacto fixos e provincias e liñas 901 que figuran na  páxina web do SEPE
• Cita previa na web do SEPE :

MOI IMPORTANTE!

De acordo coa información facilitada polo SEPE, a atención ás persoas interesadas en facer unha consulta, solicitar unha prestación/subsidio por desemprego ou facer trámites relacionados con estes, realizarase a través do sistema de cita previa virtual, ao que se pode acceder no seguinte enlace:

sede.sepe.gob.es/contenidosSede/generico.do?pagina=proce_ciudadanos/cita_previa.html

Unha vez solicitada a cita NON hai que acudir á oficina de prestacións; os xestores do SEPE poñeranse en contacto coa persoa interesada. É necesario encher o campo do correo electrónico no resgardo do recordatorio da cita.

POR FAVOR! Fai un uso responsable deste sistema e, antes de solicitar a túa cita, consulta as medidas adoptadas de oficio en relación ás prestacións e subsidios:

www.sepe.es

NON pida cita se está incluído en ERTES como consecuencia do Coronavirus. O procedemento iniciarase mediante solicitude da súa empresa.

MEDIDAS URXENTES DE EMPREGO EN GALICIA PARA MINIMIZAR O IMPACTO DO COVID-19

Como consecuencia da evolución epidemiolóxica do coronavirus COVID-19 as oficinas de emprego pechan ao público pero ofrecerán á cidadanía atención telefónica e telemática para os trámites urxentes. Para iso, Emprego Galicia, en coordinación co Servicio Público de Empleo Estatal (SEPE), adoptou as seguintes medidas:

• NON será necesario renovar a demanda de emprego ata o 30 de abril de 2020.
• Se o que necesitas é solicitar unha prestación ou subsidio, contacta antes coa Oficina de Prestacións dependente do SEPE, independentemente da situación da túa demanda de emprego.
• Se tes que realizar algún trámite urxente na demanda de emprego ou solicitar un certificado ou informe, poderás realizalo a través da Oficina virtual (reactivación da demanda de emprego, solicitude de servizos, ofertas de emprego, ...) ou poñéndote en contacto coa túa oficina de emprego telefonicamente ou correo electrónico.
• NON se dará de baixa ás persoas estranxeiras que teñan pendente a renovación dunha autorización administrativa ou estean pendentes de presentar algunha documentación xustificativa.
• Quedan suspendidas as citas presenciais de orientación laboral.
• Quedan aprazadas, mentres dure a suspensión das actividades educativas, as accións de formación profesional para o emprego xestionadas ou financiadas pola Xunta de Galicia, os obradoiros de emprego e os programas integrados de emprego.

Ademais, compre que teñas en conta que, no que se refire ás Oficinas de Prestacións dependentes do SEPE:

• NON se terán en conta os prazos actualmente establecidos para solicitar a prestación ou subsidio. É dicir, o teu dereito á prestación ou subsidio queda plenamente asegurado sen ter que cumprir o prazo habitual para solicitalos.
• Habilitaranse canles para a recuperación da demanda daquelas persoas inscritas con anterioridade ou para facilitar, no seu caso, a inscrición inicial.
• NON se esixirá a acreditación da busca activa de emprego (BAE) na solicitude do subsidio extraordinario ou renda activa de inserción.

EN CANTO A RENOVACIÓN DA DEMANDA DE EMPREGO, AS MEDIDAS ADOPTADAS SON AS SEGUINTES:

• A renovación da demanda interrómpese ata o 30/04/2020. Farase automaticamente dende a Xunta de Galicia.
• As persoas que teñan algún sistema de identificación dixital (certificado electrónico, DNI-E ou usuario e contrasinal) poderá realizar a renovación por Internet.
• As persoas que facilitaron un correo electrónico na oficina de emprego recibirán un aviso de que a demanda está renovada.
• Non se enviarán as tarxetas polo correo. As persoas demandantes terán que renovar segundo a data que conste na tarxeta. No caso de que non figure a seguinte data, terán que calcular 3 meses para facer a seguinte renovación.
• Cando se abran as oficinas ao público, as persoas poderán obter un duplicado da tarxeta no PID (Punto de Información Dixital) sempre e cando tivesen a pegada dixital escaneada. Tamén poderán chamar a orientadora laboral para que lles indique cal é a data da próxima renovación.

Para calquera consulta previa chama ao teléfono de información 012 ou á túa oficina de emprego.

LISTAXES DE CONTRATACIÓN TEMPORAL DE PERSOAL LABORAL E INTERINO DA XUNTA DE GALICIA

O Servizo de Orientación Laboral de Outes anuncia que a Xunta de Galicia vén de publicar unha resolución no DOG (Diario Oficial de Galicia) do 28 de febreiro de 2020 pola que acorda o peche e a apertura de determinadas listas para a incorporación de novas solicitudes para a contratación temporal de persoal laboral da Xunta de Galicia e o nomeamento de persoal funcionario interino correspondente a determinados grupos, categorías, corpos, escalas e especialidades.

Ver anuncio completo

OFERTA DE EMPREGO

O Servizo de Orientación Laboral informa de que unha empresa do sector funerario precisa cubrir dous postos de traballo para a zona de Outes-Noia:

• Condutor-a  funerario: Requírese permiso de conducir e coñecementos de informática a nivel usuario.
• Persoal de limpeza (media xornada): Requírese permiso de conducir e vehículo propio con dispoñibilidade para traballar polas tardes.

Máis información e/ou entrega de currículums: Servizo de Orientación Laboral (Rúa da Capela nº 13, 1º - Serra de Outes. Teléfono: 981 851 094)