Agenda local

Xa temos cartel para o Pampallín deste ano que, ao igual que as edicións anteriores, será na Praza de Galicia.

A partir das 22:00 horas comezarán os concertos. Ás 12 da noite haberá un espectáculo de lume a cargo de ASACOCIRCO e despois continuará a música.

O Pampallín Miúdo será o 1 de maio, tamén na Praza de Galicia.

A partir das 17:00 horas teremos inchables, xogos tradicionais e as actuación de ASACOCIRCO.  Tamén teremos unha actuación de música urbana e un DJ.

 Ver cartel

A Concellería de Deportes do Concello de Outes organiza a XVII Carreira Pedestre de Outes, que terá lugar o domingo 17 de maio de 2026 a partir das 10:00 horas, con saída e chegada na Praza de Galicia.

 Ver cartel

Para as categorías de chupetes, pituf@s, prebenxamíns e benxamíns organizaremos unhas Miniolimpíadas dentro do recinto do campo de fútbol nas que poderán experimentar con distintas disciplinas. O horario destas Miniolimpíadas será de 11:00 a 12:15 horas.

 Ver cartel

As inscricións estarán abertas ata as 13:00 horas do martes 12 de maio e faranse a través da páxina web de  cronotec.es

 Ver regulamento

Tras tres anos de traballo, investigación e colaboración entre universidades, Concello de Outes, a Fundación CEER e Montescola, o proxecto Renatur_Outes chega ao seu peche.

O vindeiro 27 de marzo terá lugar na Casa da Cultura a xornada final de presentación de resultados onde se compartirá con toda a veciñanza aprendizaxes, impacto ambiental e retos de futuro.

 Ver cartel

O Concello de Outes organiza 7 rutas culturais durante esta primavera para coñecer o noso patrimonio da man dun experto.

 Ver cartel

A inscrición é gratuíta e obrigatoria e abrirase o luns previo a cada andaina. Para inscribirse hai que cubrir o formulario que encontrarás escaneando o código QR do cartel ou premendo no seguinte enlace:

 Pica aquí para acceder ao formulario de inscrición

O Concello de Outes, a través do CIM (Centro de Información ás Mulleres), ofrécelles ás familias con menores de idades comprendidas entre os 3 anos (escolarizados) e os 12 anos o servizo de conciliación “Tempo de Pascua 2026”, que forma parte do programa “Outes Concilia”.

Desenvolverase os días, 30 e 31 de marzo e o 1 e 6 de abril, en horario de 8:00 a 16:00 horas, no edificio autónomo do CEIP Plurilingüe de Outes.

A inscrición permanecerá aberta desde o 10 ata o 16 de marzo. As prazas son limitadas.

 Ver cartel

 Condicións de uso do servizo

 Folla de inscrición

 Consentimento para o tratamento de datos persoais

Con motivo da conmemoración do 8M, Día Internacional das mulleres, o Concello de Outes dá a coñecer a súa programación.

 Ver Cartel

 Ver a declaración institucional 8 M, Día Internacional das Mulleres, aprobada no Pleno do Concello de Outes o 26 de febreiro de 2026

Ibuprofeno Teatro trae a Outes este sábado 21 de febreiro o seu espectáculo de grande formato con oito actores músicos que forman unha charanga e interpretan a banda sonora en directo.

Dirixido por Santiago Cortegoso, esta obra é un exercicio de memoria histórica arredor da reconversión naval para achegarnos ás vivencias persoais do pai do director nun espectáculo intimista e de introspección familiar.

É a peza que non deberías perderte e que agora chega a Outes para desfrute das persoas que gozan do teatro de calidade.

Sábado 21 de febreiro ás 20:00 horas na Casa da Cultura de Outes. Obra para público adulto (maiores de 12 anos). Rógase puntualidade; una vez comezada a función, non se permitirá o acceso á sala.

As entradas poden retirarse na páxina bandoticket.com ou na Casa da Cultura de Outes.

Xa están a venda as entradas para as obras da Rede Galega de Teatros e Auditorios no Auditorio da Casa da Cultura de Outes. Podedes mercalas en bandoticket.com ou na Casa da Cultura.

Estas obras non están incluídas no Bono Miúdo nin no Bono Xeral.

 Ver cartel

CIRKOTE de Kote Malabar

CIRKOTE é circo de rúa e teatro, malabares e humor, sobre todo moito humor. O espectáculo combina técnicas de circo, clown e teatro cómico e de participación, nunha relación directa actor-público nun espectáculo no que pode acontecer de todo, incluso que ti acabes sendo a estrela da función.

• Sábado 14 de febreiro ás 19:00 horas. Prezo: 5 €

RECONVERSIÓN de Ibuprofeno Teatro

Entre o íntimo e o político, esta obra, escrita e dirixida por Santiago Cortegoso, é un exercicio de memoria histórica arredor da reconversión no sector naval na Ría de Vigo. A obra céntrase na peripecia vital do pai do autor, un home que traballou no estaleiro Ascón durante 30 anos. Esta figura sintetiza as vivencias de toda unha xeración, que sufriu o paro polo peche da factoría en 1984 e viviu as mobilizacións históricas que tiveron lugar nos anos 70 e 80.

• Sábado 21 de febreiro ás 20:00 horas. Prezo: 9 €

BAILAR AGORA de Marta Alonso

Marta Alonso diríxese ao público para compartir un percorrido pola súa traxectoria vital como bailarina e muller. Esta é a historia dunha bailarina que nace e medra nos anos 80-90, facendo referencia ao estado actual dos seus desexos e soños, comprometéndose a facelos realidade no momento presente. E o xeito de levalo a cabo é bailando.

• Sábado 28 de febreiro ás 20:00 horas. Prezo: 7 €

O mércores 18 de febreiro celebraremos en Outes o tradicional Enterro da Sardiña, co concurso de disfraces, que terá lugar a partir das 17:00 horas na praza de Galicia ou, en caso de que chova, no pavillón polideportivo.

Despois farase un desfile polas principais rúas da Serra ata a Praza do Bosque.

No concurso de disfraces poderán participar tódalas persoas, grupos ou comparsas que realicen a inscrición. Poderá facerse ata o 16 de febreiro a través do rexistro electrónico, de forma presencial no rexistro do Concello de Outes ou enviando a folla de inscrición ao correo animacion@outes.gal, ou o mesmo día (18 de febreiro) ata media hora antes do inicio do concurso no lugar de celebración deste.

 Ver cartel

 Ver bases do concurso

 Descargar folla de inscrición

O Concello de Outes, compromotido e interesado en promover os valores creativo-literarios da nosa lingua, organiza o XXX CERTAME FRANCISCO AÑÓN DE POESÍA, certame que leva o nome do máis ilustre literato do noso concello, Francisco Añón, autor do "Rexurdimento" e un dos precursores da lingua galega e ao cal queremos render homenaxe con este premio.

Poderán participar neste certame todas as persoas que o desexen e que presenten os seus traballos en lingua galega. O prazo de presentación remata o 30 de marzo.

 Ver bases do certame