Agenda local

O Concello de Outes publica a oferta de actividades de cultura, deportes e dos centros sociais para o outono e inverno 2023/2024.

  Ver folleto de actividades

As inscricións nas actividades deben facerse cubrindo a folla de inscrición e entregándoa no rexistro do Concello, ben de forma presencial ou a través da nosa sede electrónica.

  Folla de inscrición nas actividades de cultura e deportes

 Folla de inscrición nas actividades dos centros sociais

O Concello de Outes informa da apertura de inscricións para as actividades de manualidades, pintura e obradoiro de elaboración de sancosmeiros.

MANUALIDADES

• Actividade en grupos nas parroquias: Centro social de Ponte Nafonso, Valadares, San Cosme, Centro social da Serra.
• Un día á semana.
• Comezo: 1ª semana de outubro
• Prezo: 6 €/mes (pago trimestral)

PINTURA (CANCELADA - Non se acadou o mínimo necesario para realizar a actividade)

• Lugar: aula de pintura (centro xuvenil)
• Día: venres (grupos de 18:30 h a 20:30 h e de 20:30 h a 22:30 h)
• Comezo: 6 de outubro
• Prezo: 12 €/mes (pago trimestral)
• O curso realizarase se se acada un mínimo de 5 persoas

OBRADOIRO DE ELABORACIÓN DE SANCOSMEIROS (PRAZAS COMPLETADAS - Novas inscricións formarán parte da lista de espera)

• Lugar: Centro Social da Serra de Outes
• Día: sábado de 11:00 h a 13:00 h
• Comezo o 14 de outubro e remate o 2 de decembro
• Prezo: 20 €/curso
• Máximo 15 prazas

As inscricións nestas actividades entregaranse na casa do concello ou a través da sede electrónica.

 Folla de inscrición

O concello de Outes publica o calendario de roteiros culturais que desenvolverá para coñecer de primeira man o patrimonio Outense.

As prazas están limitadas a 50 persoas por andaina, agás na “Torre dos Mouros e fervenzas de San Paio” que será de 25. A inscrición en cada unha delas é obrigatoria e abrirase o luns anterior á realización da mesma.

En Outes queda moito por descubrir!

Ver cartel

Para inscribirte preme aquí para acceder ao formulario ou na Casa da Cultura (teléfono 981 850 950).

O Concello de Outes informa da apertura das inscricións tanto da Escola de Música da Banda Municipal como da Escola de Música e Baile Tradicionais.

ESCOLA DE MÚSICA DA BANDA MUNICIPAL

A oferta desta escola é a seguinte:

Música e movemento (de 4 a 7 anos),  linguaxe musical, frauta, óboe, clarinete, saxo, trompeta, fliscorno, trompa, trombón, bombardino,  tuba, percusión, guitarra e piano

As clases comezan o primeiro luns de Outubro.

Para máis información poden consultar no correo: escolamusicaoutes@gmail.com

 Folla de inscrición

Ordenanza reguladora do prezo público pola prestación de actividades culturais e deportivas

ESCOLA DE MÚSICA E BAILE TRADICIONAIS

O curso da Escola de Música e Baile Tradicionais foi presentado polo Concelleiro de Cultura e máis os profesores da escola.

 Vídeo da presentación

Na escola impartirase clases de:

• Gaita,
• Acordeón,
• Requinta, frauta, frautín, ocarina e asubío
• Zanfona
• Percusión tradicional
• Pandeireta e canto galego
• Baile tradicional

 Folla de inscrición

Ordenanza reguladora do prezo público pola prestación de actividades culturais e deportivas

O pasado 17 de maio, día das Letras Galegas, déronse a coñecer, nun acto que tivo lugar na Casa da Cultura de Outes, as persoas premiadas da XXVII edición do certame Francisco Añón de poesía.

Neste mesmo acto presentáronse tamén os libros que recollen as poesías premiadas na pasada edición, así como a publicación da obra gañadora da categoría F (maiores de 18 anos), Cruz(eiro) de Manuel López Rodríguez.

 Ver actas do certame

 Ver foto dos gañadores

 Ver foto do xurado