Axenda
SUSO FÓRA DE LUGAR
Este sábado, ás 20:00 horas, poderemos ver na Casa da Cultura de Outes o documental SUSO FÓRA DE LUGAR, do escritor Suso de Toro.
Contaremos coa presenza do propio autor e máis do director do documental Alberto Sacido, veciño de Outes. Ambos participarán tamén no coloquio que se fará ao remate da proxección do documental.
A proxección da peza, da que se encargará a produtora Culturactiva, faise coa colaboración da Deputación da Coruña que nos brinda a oportunidade da súa difusión entre a nosa veciñanza.
